Neste nova etapa alterarte preséntase coma un proxecto dinámico e aberto a propostas, cun concepto de arte amplo que abrangue todo tipo de tendencias e manifestacións artísticas.
A nova asociación alterarte Asociación para a Promoción da Arte Galega Actual ten como principais obxectivos os seguintes:
- Conseguir unha promoción e difusión reais, eficaces e eficientes das creación máis actuais dos artistas galegos contemporáneos.
- Promover unha verdadeira posta en valor do patrimonio artístico e cultural autonómico.
- Dinamizar o ambiente cultural da comunidade autónoma pondo así en valor social o patrimonio artístico-cultural de Galicia.
- Ofrecer ó artista un lugar de encontro que lle serva como ferramenta de formación e intercambio da actividade creadora.
- Potenciar no artista uns hábitos que o axuden en todo o proceso posterior ó de creación. Difundir a cultura emprendedora acadando unha enteira conciencia artística nos asociados e especialmente para os novos valores da arte.
- Organizar actos e actividades como exposicións, feiras, espectáculos e outros eventos que potencien a difusión da arte galega dentro e fora de nosas fronteiras.
- Promover actos culturais e artísticos que potencien e difundan o Camiño de Santiago.
Para a súa consecución destes obxectivos traballaremos nas seguintes liñas de actuación:
a. Actividade xeral de difusión artística:
- A asociación encargarase da organización e xestión dunha Feira de Arte Contemporáneo Galego de celebración anual que será o principal eixo vertebrador das actividades culturais do colectivo e a principal forma de dar a coñecer as últimas creacións dos asociados.
- Exposicións temáticas atendendo por grupos ás especificidades das creacións dos diferentes asociados.
- Exposicións monográficas cando se considere que a producción dalgún dos asociados é suficientemente relevante como para adicarlle unha mostra individual.
utras exposicións que se consideren de interese para a promoción da arte galega.
b. Edición de material:
- Catálogos de exposicións.
- Catálogos de obras de artistas.
- Boletíns informativos.
- Actas de cursos e seminarios realizados.
- Outros materiais relevantes para acadar os fins da asociación.
c. Formación:
- Impartiranse cursos a modo de conferencias, seminarios, encontros e talleres a os que se invitará a expertos no sector: artistas, galeristas, programadores culturais.
- Convocaranse charlas e conferencias para que a xente interesada se familiarice coa arte actual.
- Programaranse outras actividades relacionadas coa formación que se consideren de interese para dar a coñecer as creacións dos asociados.
d. Información:
- A asociación recopilará e ofrecerá toda a información de ámbito cultural que poida interesar ós asociados e sobre o que os propios asociados demanden: exposicións, convocatorias, premios, becas e axudas
- Traballarase na creación de redes de intercambio entre a asociación e as institucións, outras asociacións, salas de exposición e profesionais do sector para que os artistas asociados poidan difundir mellor a súa obra.
(C) ALTERARTE Asociación para a Promoción da Arte Galega Actual - Aviso Legal - Deseño Web ideArt|estudio